كنت من اول الثوار وشاركت بكتير من المسيرات والمظاهرات اكتر من 3 اشهر على الأرض واكيد إيماني بالثوره كبير وما حنقدر نحقق شي بلا الثوره لازم نضل عم نناضل من أجل لبنان هني عم يستخدموا كل سلاحن ضدنا بأساليب متعدده منها ظاهرة الكورونا اكيد في كورونا بس مش متل ما هني عم بضخمو الموضوع لقمعنا واكيد ما ننسى الدولار ..... أسعار الصرف على ارتفاع باستمرار مما أدى إلى الغلاء الفاحش وكتير ناس خسرت وظيفتها أو عم تقبض نص معاش أو معاش كامل بس باللبناني بعادل نص القيمه.... وبوجه آخر احتكار أموالنا بالبنوك اكيد كل هل الأمور لتمويه الشعب على أمور معيشيه وينسى الأمر الأساسي هي الثوره من أجل إزالة الفساد واستعادة الأموال المنهوبه نحنا شعب مستقل وبدنا العداله وبدنا نعيش وشو ما حاربونا ما حنسكت كلن يعني كلن واكيد كلن لانو اي شخص منن حتى لو كان معتدل وإصلاحي مجرد ليوصل على الكرسي بيتغير وصدقوني هيدي حقيقه وعشناها ما عنا ايمان بحدا وكلن لازم يدفعو الثمن الي عم نعيشو والي عشناه قهر وفساد اكتر من 30 سنه ...

المقال يعبر عن راي صاحبه وليس عن رايي الموقع