معقول ،يمكن،أوقات...

-كتير أوقات ما منحكي مع أشخاص خوفاً من إنو نكون عم نتقل عليين أو هني ما بدن وجودنا 

-و كتيرر أوقات منرسم أحداث بخيالنا و هيي مش مظبوطة 

-وكتيير أوقات مننزع علاقتنا مع ناس خوفاً من بكرا 

-و كتيير أوقات كبريائنا بيوقف قدامنا و بحط نقطة عالسطر كأنو عم بقلنا انتهى الموضوع هون.

و الأصعب من هالأمور لما تكون واقف بالنص حيران معقول...لا لا أكيد مش معقول ...بساوي هيك ...لا ما بساوي هيك ...يمكن ...لا مش يمكن.....هالأمور حاكمين حياتنا حاكمينا بطريقة معقدة مليانة قيود ليحافظ الإنسان على نفسوا ليحافظ على خفتو بالصمود أو بالرحيل !!!!

بس ما بتتخيالو هالكلمات شو سر تعاستنا .. ما بتتخايلو شو نازعين علينا مواقف حلوة ...بس بنفس الوقت ما بتتخايلو شو سر قوتنا! قوتنا؟ غريب ما هيك شو دخل القوة بالموضوع ...القوة أساس الموضوع لأن مش كل الأشخاص قادرين يتحكموا بحالن مش قادرين يتحكمو بمشاعرن !