قولوا الله
ماما ما سامعة؟
شو يا ماما
راح القصف ؟
ايه ماما راح
يعني صار فيي ارجع نام وما خاف؟
ايه تقبرني رجاع نام
ماما وين فرشتي حرامي ومخدتي؟
راحو مع القصف يا ماما
طب كيف بغفى؟
قول أشهد أن لا اله الا الله
**
ماما وين اختي؟
شوي وبتجي
يعني ما بنام بنطرها
لا نام ما رح تتأخر
ماما ليش ابتسمتي؟
من الفرحة يا ماما اول مرة بشوفك نايم وما خايف
**
ماما هاي هي الجنة؟
اي يا ماما
طب فيني روح قول لرفقاتي يجوا لانو المطرح هون حلو كتير احلى بكتير من بيوتنا؟
ما تخاف يا ماما ما رح يتأخروا رح يجوا لحالن
طب ماما هني كمان رح يستشهدوا؟
اي يا ماما هول ولاد فلسطين يا ماما صح يستشهدوا بس هول رح يتخلدوا
**
ماما انا خايف
من شو يا روح الماما؟
مش نحنا استشهدنا وصار فينا ننام وما نخاف من القصف؟
مبلا يا ماما
طيب شو حيصير باهلنا بفلسطين؟ يعني هني كمان لازم كلن يستشهدوا حتى يقدروا يناموا وما يخافوا من القصف؟ اولك يا مامام العالم رح يضل يتفرج وما يهتم فينا؟
لا يا ماما ما تخاف في رجال مرابطين على سلاحن وعم بيقدموا شهداء ليححروا ارضنا المقدسة
يعني بتأمل يا ماما؟
اي يا عمري رجال المقاومة رجال ما بيخلوا بالوعد ورح تضل فلسطين قضيتهم
يعني بقول الله يا ماما
اي يا ماما قول الله والرجال عم بيقولوا معك الله
فقولوا الله يا رجال قولوا الله
ميسم حمزة