7وجهت الفنانة شهيرة رسالة لجمهورها ومحبيها، تحثهم من خلالها على أهمية الاهتمام بالصحة والحفاظ على الجسد والنشاط الحيوى للجسم، خاصة مع التقدم فى العمر، مؤكدة أن السر بسيط لكنه مؤثر.

وقالت شهيرة، عبر «فيسبوك»: «أزيكم إن شاء الله يكون الكل بخير وصحة كنت عايزة أتكلم معاكم على موضوع الصحة والشباب دايما، بقالى مدة طويلة أقرأ تعليقات على فنانين تعدوا الستين والسبعين على إنهم ازاى كده عندهم حيوية، وقادرين كل كام يوم يتواجدو فى مناسبات ومهرجانات، والتعليقات تقول: إيه ده همه إزاى كده، أنا عندى خمسة وتلاتين سنة وركبى مش شيلاني؟!».

وأضافت: «يا بختهم. همه بيعملوا إيه. ده أنا طول اليوم ادهن ضهرى بفولتارين. نفسنا نعرف بيعملوا إيه؟!. اقولكم بقى السر. حاجة بسيطة أوى، بس المهم نعملها. الرياضة. الحركة يا جماعة. اتحركوا. العبوا رياضة، اللى تقدروا عليه. امشوا نص ساعة فى اليوم. اعملوا تمارين خفيفة أول ما تصحو من النوم، وانتو حتى لسة فى السرير. فيه على النت تمارين كتيرة للشباب ولكبار السن. حركوا حتى صوابع إيديكم ورجليكم. حركوا عضلات جسمكم بأى وضع. المهم تتحركوا. وزمان قالوا الحركة بركة، فعلا بركة فى الصحة الجسمانية والنفسية. دمتم بصحة دايما يا رب».