الملحن الكبير وسام الامير كان طالع ببودكاست Deep talk (من اجمل البودكاست الفني عربيا للامانة) حكى قصة اغنية بوس الواوا وكيف مات من الضحك اول ماسمع الكلمات ( ليك الواوا بوس الواوا خلي الواوا يصح لما بست الواوا شلتو صار الواوا بح ) وذكر الكلمات قدام هيفا وهبي بالمزح لانه علقتو بدها غنية منو ، وهيفا لما سمعت الكلمات تعلقت فيها وضلت تلاحقو عدة ايام ليلحنها ، المهم بالنهاية بعد ماعمل الاغنية كانت اكتر اغنية بمسيرتو الفنية جابتلو اموال سواء من بيع اللحن ( اخد ضعف السعر يلي بياخدو بالعادة) او من عمل اعلانات منها لاحقا رغم انها ربما اكتر اغنية هابطة عملها بمسيرتو الفنية ، العبرة هون انه الملحن يلي عمل اجمل اغاني نجوى كرم متل خيروني ابن العم وحظي حلو وندمانة وغيرهم كتير واجمل اغاني وائل كفوري متل شو رأيك وكوني انا وعم بحرق ايامي والكتير غيرها من الروائع تكون اكتر اغنية استفاد منها ماديا بمسيرتو الفنية هيي بوس الواوا !!

لهيك ماكتير لازم نستغرب ليه الفن الهابط عمينتشر اكتر واكتر والفن الحلو كل مالو عميصير نادر!