النجمة يهدر الفوز بسبب غياب الجدية

النجمة Nejmeh SC كان متقدّم 2–0… وبغمضة عين انرمى الفوز بالشارع!

مش تراجع… فضيحة مقصودة أو إهمال قاتل، لأن فريق محترم ما بيسلّم مباراة بهالسذاجة إلا إذا كان في تفكك، فوضى، ولا مسؤول واحد واعي عالدكة.

جمهور عم يعبي ملاعب… وعم يحترق أعصابه…

وهنّي عم يلعبوا وكأن المباراة “تجربة” مش بطولة!

أما الأجانب؟

خلّينا نحكيها بلا لفّ ودوران:

وجود بعضهم بالنجمة إهانة لتاريخ النادي.

أداء باهت، روح صفر، قتالية صفر، تأثير صفر.

لو ما مسعود موجود كان شكل الفريق أضعف بكتير… هو الوحيد اللي لعب برجولة واحترام للشعار.

والصراحة اللي لازم تنقال:

فريق ما بيقدر يحمي تقدّم 2–0… فريق لازم ينظّف بيته من أول وجديد.

النجمة مش اسم، النجمة هوية…

واللي ما بيستحق القميص—ما لازم يلبسو دقيقة واحدة.