واتجوزوا في السر لحد ما فاجئوا الكل بظهورهم مع بعض وهما ماسكين إيد بعض.. دا ملخص اللي حصل بين الفنان محمد رجب والفنانة اللبنانية دانا الحلبي .. يا ترى إزاي قصة حبهم بدأت تعالوا نعرف مع بعض.

محمد رجب اتعرف على دانا الحلبي في كواليس مسلسل "الونش" رمضان 2024، من أول ما شافها وهو كان معجب بها لدرجة إنهم بقوا أصدقاء قريبين من بعض.

 لكن بعدها الصداقة اتطورت لحب جامد ودا اللي خلى دانا تقول عنه راجل قمر حنين ومش بيزعل حد، كلامه حلو وحلانجي زي شخصيته في الدراما.

 وهو كمان لما اتسأل عن رأيه في دانا اعترف إنها حركت قلبه بعد ما كان رافض الجواز ومقرر أنه يعيش حياته سنجل.

 محمد ودانا قرروا يتخطبوا لبعض في السر، ودا اللي خلى الكلام يبقى كتير لما ظهروا مع بعض في حفل زفاف المخرج إسماعيل فاروق.

وفضلوا يخبوا الخبر لحد ما محمد نفسه أعلن في برنامج رامز إيلون مصر، أنهم متجوزين بقالهم سنة ونص.

بعدها دانا ظهرت في لقاء تليفزيوني واتسألت ليه خبوا جوازهم وقالت إن محمد رجب بيخاف من العين، وأنها مش عايزة حد يتدخل في حياته الشخصية، اللي دايما بتشوفها خط أحمر، وان جوازهم مكنش في السر ولا حاجه دا الأهل والأصحاب كلهم كانوا عارفين بس الإعلام والجمهور بره الباب، عشان يعيشوا حياتهم مرتاحين بدون كلام فاضي أو عين تخرب حياتهم الحلوة.

اللي كتير ميعرفهوش إن دانا الحلبي اتجوزت أول مرة سنة 2008 من راجل مسيحي اسمه ميلاد حيدر، واشترطت عليه يسلم قبل الجواز وهي وثقت فيه لما وعدها يعتنق الإسلام.

دانا وميلاد عاشوا في لبنان وانجبت ولد وبنت، بس اكتشفت بعدين إنه خدعها ومغيرش ديانته وعنده جواز سفر استرالي وكان عايز ياخد أولاده من وراها ويعيشوا بره لبنان.

وقتها حصل ضجة كبيرة على السوشيال بسبب الاختلاف ده ورفعت دعوى في محكمة طرابلس عشان تمنعه يسافر بره لبنان، وكسبت القضية واتطلقت منه وبقت هي الحاضنة لأولادها.

بعد كده اتجوزت المصور أيمن عباس سنة واحدة بس وانفصلوا، واتخطبت لفترة قصيرة جدا للممثل السوري عبد المنعم عمايري لكن انفصلوا بعد شهرين.

وبعدها نقلت إقامتها لدبي عشان تبدأ صفحة جديدة، ودا اللي خلاها ترجع للفن وتقابل محمد رجب بعد كده ووقعت في غرامه ووافقت على زواجها منه.