أغني التفاهة اللي بغنيها دي إزاي.. أرجوكي سامحيني، علشان ابنك يفرح، نفسي أغنيلك حاجة باللغة العربية.. دي الجملة اللي قالها أحمد سعد في حفل زفاف ابن المطربة جوليا بطرس.. تعالوا نعرف التفاصيل

في حفل زفاف سامر، ابن الفنانة جوليا بطرس ونائب رئيس مجلس النواب إلياس بو صعب، على العروس لانا نصولي، في بيت العائلة ببلدة ضهور الشوير بلبنان، أحمد سعد أحيا الحفل وبعفويته المعتادة خلق حالة ثانية خالص من البهجة والمرح.

سعد أول ما شاف جوليا ما قدرش يداري انبـ.ـهاره بمطربته المفضلة، وعبر عن حبه الكبير ليها لدرجة إنه قال للعريس سامر: هقولك على حاجة ومتزعلش مني، أنا بحب أمك أوي، هيغـ.ـمى عليا لما شوفتها في الحقيقة، المحظوظة نفسها واقفة معانا، دي أجمل محظوظة شوفتها في حياتي.

الموضوع ما وقفش هنا، سعد قرر يمازح جوليا بروح رياضية جداً ويعلق على الفارق بين نوعية أغانيه وأغانيها الوطنية والراقية، فداعبها وقال: أغني التفاهة اللي بغنيها دي إزاي قدام قامة زيك؟ أرجوكي سامحيني علشان ابنك يفرح، كان نفسي أغنيلك حاجة باللغة العربية.

جوليا بطرس استقبلت المزاح بضحكة واسعة وتفاعل كبير من الحضور، وطلبت منه بروح حلوة جداً إنه يغني أغنيته الشهيرة "ابن المحظوظة"، واتحول حفل الزفاف لمزيج فريد بين الرقي والدفء والبهجة العفوية التي لفتت الأنظار وتصدرت السوشيال ميديا.