رنيم_النوري أخصائية التغذية وابنة الفنان عباس_النوري والكاتبة عنود_الخالد تعلن انفصالها عن زوجها المخرج والممثل خالد_عثمان قائلة:

أصدقائي و أعزائي بدي قلكن شي أحيانا الحياة بتاخدنا بطرقات جديدة ومختلفة وغير متوقعة، بتكون عم تخطط وتبني بشي، لكن بيكون مكتبلك شي تاني، وعسى دائماً يكون خير وهاد لي صار معنا #أنا و خالد، الحياة أخدت كل حدا فينا لطريق مختلف عن التاني، وصار صعب نضل سوا كزوجين، لذلك قررنا انو الانفصال هو الاسلم لنحافظ على علاقة فيها ود واحترام لعشرة العمر ولولادنا وإلنا.

وأضافت: أنا وخالد انفصلنا كزوجين لكن نحنا أم وأب لأجمل أطفال بالعالم، خالد صديق ورفيق عزيز بتمنالو كل الخير والسعادة والتوفيق بحياته

الرجاء احترام خصوصية وحساسية الحالة لولادنا وعدم التدخل أو السؤال، لأن صدقوني ما حتلاقو عندي ولا عند خالد أي جواب أو حكي غير لي كتبته، لأن هي الحقيقة.. وشكراً لتفهمكن.

يذكر أن الثنائي تزوجا عام 2014، ولديهما أربعة أطفال، صبيان وطفلتان توأم.