"نسمات أيلول" يحقق حلم الوالد "هشام شربتجي" .. رشا ويزن شربتجي "يداً واحدة" في رمضان ٢٠٢٥ ..

شاركت المخرجة السورية رشا شربتجي بوستر مسلسل "نسمات أيلول" عبر حسابها الرسمي في إنستغرام .. الأحد ٢٣ فبراير - شباط ٢٠٢٥ .. وقالت إنه "خلاصة حلم والدها" المخرج الراحل هشام شربتجي بالعمل مع شقيقها المخرج يزن شربتجي "يداً واحدة" .. 

وكتبت .. "أجمل شي بهالمشروع كانت شراكتي مع المخرج الكوتش يزن شربتجي .. لأنه هي التجربة بعتبرها خُلاصة حلوة لحلم بابا الله يرحمه .. وأكيد هوّ مبسوط أنو شايفنا سوا إيد وحدة وعم نعمل الشي اللي هوّ علّمنا ياه وزرَعه فينا" ..

ووصفت كواليس تصوير المسلسل .. "عمل مليان حب وفرح .. كنا فعلاً عيلة حلوة .. وبيناتنا هارموني حقيقي .. ومرقت أيام التصوير علينا متل النسمة رغم صعوبتها ببعض الأوقات" ..

وأضافت .. "أبطالنا حلوين ومحبوبين .. وخفيفين على القلب متل النسمة .. وبيشبهوا عائلات سورية منشوفها بحياتنا اليومية .. وكل فرد منهن ممكن تلاقوه بيشبه حدا من عيلتكن .. شوفوهن وخبرونا رأيكن وبتمنى تحبونا .. وتستمتعوا معنا" .