نحنا اللبنانيية عنا لغة خاصة فينا، مليانة كلمات وجمل جايي من لغات مختلفة، منها الإنكليزية. كتير من هالكلمات صارت جزء من حديثنا ، 

جزء من حياتنا اليومية، 

١- #مدبرس (Depressed)

يعني مكتئب، زعلان، الدني مسكرة بوجو. لما يكون الواحد طالع خلقو، بيقول: “ما تحكوني، مدبرس عالآخر!”

٢- #منرفز (Nervous)

يعني معصب أو متوتر. لما يكون حدا موتر وعتلان هم، منسمعو عم يقول: “يا خيي، أنا منرفز هلق بدي الصرفة خلص وروح عالبيت!”

٣- #مأنغر (Angry)

يعني معصب كتير، واصلة معو عند ربنا. متل لما يكون الواحد قاعد بالعجقة بس السيارات مش عم تمشي، بيقول: “خي، أنا مأنغرة معي عالآخر، شو هالعجقة هيدي!”

٤- #مبنك (Panic)

يعني مذعور، واصل معو التوتر لأقصى درجة. إذا واحد نسي الموبايل بالسيارة وفكر إنو انسرق، بيقول: “يا لطيف، كنت مبنك لحد ما لقيتو!”

٥- #مهيبر (Hyper)

لما يكون الواحد طاقتو ١٠٠٠% ومش قادر يهدا، بنقول عنو: ” شو بدك بالقهوة، إنت مهيبر لحالك!”

٦- #مفوّل (Full)

يعني مليان، وبتنقال كتير عالبطن بعد الأكل، أو حتى عالطاقة أو التلفون أو شي محل! “يا زلمي، الباركينغ مفوّل، ما لقيت ولا محل لصف!”

٧- #مسّجلي (Message)

يعني بعتلي رسالة، ومش ضروري تكون SMS، حتى بالواتساب: “مسّجلي أول ما تخلص!”

٨- #مشرّج (Charged)

يعني البطارية مشرجة وجاهزة، ولما يكون التلفون ١٠٠% بيقولوا: “شرج، صار فيني إطلع من البيت.”

٩- #كنسلها (Cancel)

يعني لغى شي، وخاصة إذا كان حجز أو موعد. “بلاها السهرة، كنسلها ما عبالي شي الليلة.”

١٠- #سيفها (Save)

يعني حفظها، ومش ضروري تكون فايل، حتى صورة عالواتساب بتصير: “ليك هالصورة حلوة! سيفها بلا ما تضيع!”

١١- #دلتها (Delete)

يعني محي شي عن تلفونك. “هيدي شو الصورة، طالع شكلي متل لي هربان من كتاب التاريخ؟ دلتها!”

١٢- #مش واو (Not Wow)

يعني عادي، ما كتير حلو. “كيف كان الفيلم؟ بصراحة مش واو، توقعتو أحسن!”

١٣-#باي باي (Goodbye)

كتير منستعملها لنودّع حدا، على التلفون أو إذا كنا سوا: باي باي حبيبي، بشوفك بوكرا. “