#سامعين شي عن ـ"#مغارة الفقمة"؟

مش #فيلم كرتون! هيدي بـ #عمشيت! 

عم تخيّل تغوص بمغارة بحرية اعَ شط بحر #عمشيت، بين الصخور والموج العالي، 

هل مغارة صغيرة بتتخبّى من عيون العالم... اسمها #مغارة الفقمة #محفورة طبيعيًّا بالصخر وبتفتح عالبحر.  

الطبيعة حواليا بتخليها تشبه مشهد من فيلم #مغامرات

بيقولو إنو كان يمرّ منها فقمات البحر، ولهيك نِسَبوا الاسم إلها.

زمان، قبل ما يصير البحر مطرح عوامات ومطاعم وناس بتشوي عالشط، كانت الفقمات تمرّ من قدّام المغارة، تسبح براحتها، ويمكن تفوت ترتاح بالظل جوّاتا، بعيد عن عيون الصيادين.

الناس شافوها وقالوا: "هيدي مغارة الفقمة!"  

وهيك صار اسمها، وبقي محفور من #وقتا.

ورواية تانية بتقول أنو بتاخد اسمها من شكلها يلي #بيشبه الفقمة، أ

اليوم؟  

الفقمات راحت، يمكن خافت من الزحمة والضجيج... بس المغارة بعدها واقفة، بتخبّي سرّ من بحرنا وريحة من الماضي.

بس الاسم ضلّ، وصارت المغارة معروفة فيه!  

بتفوت عليها، بتسمع صوت الموج كأنو عم بيحكيلك عن أيام ما كان البحر أنظف، والفقمات أصحابنا.  

هيدي مش بس مغارة... هيدي قصة بحر، و #ذكرى صخرة، وأثر #مخلوق راح، بس ما انسينا.

بيزوروها #المغامرين والناس يلي بيحبوا #الغطس أو التصوير.  

 مش كتير معروفة للسياح، بس مشهورة عند أهل المنطقة!

 هل لمعارة في #خطر..وبحاجة لحملة على مواقع التواصل لانها 

تواجه تهديدًا بسبب أعمال حفر وإنشاء مشروع بناء فيلا بالقرب منها.