في لفتة إنسانية من الرئيس عبد الفتاح السيسي، وجّه بمتابعة الحالة الصحية للفنان محمد صبحي بعد الوعكة اللي تعرّض لها خلال الساعات اللي فاتت، واللي اتنقل بسببها لإحدى المستشفيات الكبرى في القاهرة.

مقربون من صبحي قالوا إن حالته كانت حرجة في البداية، وده اللي اضطر القائمين على علاجه إنهم ينقلوه فورًا للعناية علشان يتابعوا حالته بدقة، خصوصًا إنه حس بتعب مفاجئ وضيق شديد في التنفس.

الفريق المعالج رفض الكشف عن تفاصيل الحالة بالكامل لحد ما تستقر، لكنهم أكدوا إنها حاليا مستقرة نسبيًا بعد ما تلقى الرعاية اللازمة، وإنه تحت الملاحظة المستمرة على مدار الساعة، ودا كان سبب قرار الرئيس بتقديم الرعاية الكاملة للفنان الكبير.. 

توجيه الرئيس لاقى إشادة واسعة من الجمهور، اللي اعتبرها تقدير كبير لفنان قدم كتير للفن ولسه بيقدّم رسالة محترمة.

ناس كتير دعوا له بالشفا، وقالوا إن مكانة محمد صبحي في قلوب المصريين مش مجرد فنان، لكنه قدوة في الالتزام والفكر والاحترام.

الكل دلوقتي مستني يطمن عليه ويرجّع يشوفه واقف على المسرح تاني..