لو ما رحت كان بكرا صار عمرك 70 سنة شو كان أول يوم بالسنة أحلى لو إنّك بعدك!! 

مزبوط رحت ... بس كنّا وبعدنا ورح نبقى كتير كتير منحبّك ومنوثق فيك لأنّك كنت حر وقوي "بلا ولا شي"

وبقيت كل عمرك "بلا ولا شي" ... 

وبتحب وبتنحب وانت فقير، "ولا في بهالحب مصاري أو أراضي أو مجوهرات "

ولأنّك طبيعي وصريح وجريء وواضح وعفوي بلا أي تصنّع.... 

وصادق وملتزم ومهتم بالكل، خاصة المضطَهَدين، بدون ما تهتم لا "بانواع التياب ولا بكل شي في تزيين"... 

وبتحب القعدة بالفَي مطرح يلّي "مش لحدا هالفي

كنا وبعدنا ورح نضل نحبّك ونوثق فيك ونتأثّر فيك وبأفكارك يلي هيي أفعالك...

لأنّك "ملّا انت" ... بتنحب كتير انت ... 

انت وعم تكتب وتألّف وتلحّن وتمثّل وتحكي كتير انت وعم "تدق بيانو" ... انت "وما بدك تروح عالخليج"... 

انت وعم تضل تقول انك "مش كافر بس الجوع كافر"... 

انت متل ما دايمًا كنت وبقيت ب "هدوء نسبي"... 

انت وعم تقلنا "هي مش بلد ... 

انت "والبلد ما قدر يغيرك" بس غيّرت كتار بالبلد وكذا بلد انت وعم "نمشي ونكفي الطريق" ... ومعنا ومعك مكنسة "صبحي الجيز"... 

انت يا زيّاد ... مع كتير كتير اشيا الّفتها وكتبتها وعشتها، حكيتها وعشتها، لحّنتها وغنّيتها وعشتها، مثّلتها وعشتها، عشتها لآخر نفس

يا ريت صاروا 70 يا ريتك ما رحت

شو كان اول يوم بالسنة أحلى فيك ومعك...