نص مليون جنيه! أيوه الرقم ده مش تمن عربية ده سعر أعلى فئة في حفلة شيرين عبد الوهاب! اها عشان تشوف شيرين بعد غياب طويل وتستمتع بصوتها هتدفع 500 ألف جنيه 

أول حفلة لشيرين عبد الوهاب بعد غياب طويل بقت حديث الناس، لكن مش بسبب الأغاني ولا عودتها للمسرح… بسبب أسعار التذاكر اللي قلبت السوشيال ميديا!

الجهة المنظمة أعلنت إن أعلى فئة، وهي Royal Lounge، وصل سعرها لـ 500 ألف جنيه للحجز الواحد، وده مخصص لمجموعة تصل إلى 10 أشخاص، يعني الرقم ده لفئة كاملة مش لتذكرة فردية. 

وباقي الفئات برضه أسعارها لفتت الأنظار، من عشرات الآلاف لحد الفئات الفردية الأقل سعرًا، والأسعار :

  Royal Lounge لـ10 أفراد: 500 ألف جنيه.

VIP Lounge لـ10 أفراد: 90 ألف جنيه.

 VIP High Table لـ10 أفراد: 77 ألف و500 جنيه.

VIP Standing لـ10 أفراد: 33 ألف جنيه.

Fan Pit لـ10 أفراد: 22 ألف و500 جنيه.

Fan Pit للفرد: 1500 جنيه.

 Front Fan Pit للفرد: 2250 جنيه.

في ناس شايفة إن ده طبيعي، لأن دي أول حفلة لشيرين بعد غياب، والإقبال ضخم جدًا، والطلب هو اللي بيرفع الأسعار.

وفي ناس تانية شايفة إن الأسعار بقت بعيدة عن أغلب الجمهور، وإن الفن المفروض يفضل قريب من الناس مش حكر على أصحاب الميزانيات الكبيرة.

لكن في وسط كل الجدل شيرين نفسها راجعة بعد فترة غياب، والجمهور مستني يشوف: هل هتكون الحفلة دي بداية قوية ترجعها لقمة الساحة من جديد؟