واسم فضل شاكر وراغب علامة مرتبط بواحد من الملفات اللي شغلت الوسط الفني اللبناني.. لكن يبدو إن النهاية المرة دي مختلفة!

محمد شاكر قرر يوجّه رسالة مباشرة لراغب علامة، كشف فيها إن الأخير تواصل مع أشخاص مقرّبين من عائلته، في محاولة لإنهاء الخلاف مع والده فضل شاكر، وإن رد فضل كان واضحًا: مفيش مانع من حل الموضوع وفتح صفحة جديدة.

لكن محمد ما اكتفاش بالكلام عن المصالحة، وفتح باب العتاب على سنين فاتت.

وقال إن راغب علامة تحدث عنهم في وسائل الإعلام على مدار 13 سنة، وقال إن فيه كلام اتقال عنهم ما كانش سهل عليهم.

ورغم كل ده، أكد محمد إن والده وافق على طي الصفحة، وقال لراغب علامة: "ولو هلق منقلب الأدوار، يمكن إنت ما سامحتنا، بس وافق الوالد.. والله يسامح الجميع، صفحة وطويناها، وعفا الله عمّا مضى"

رسالة جمعت بين العتاب والتسامح، وكشفت إن قرار الصلح مش معناه إن اللي فات اتنسى، لكنه ممكن يكون بداية لنهاية خلاف استمر سنين طويلة.

فهل نشوف قريبًا لقاء يجمع فضل شاكر وراغب علامة بعد كل السنين دي؟ وهل فعلًا التسامح يقدر ينهي خلافات عمرها 13 سنة؟